ساعة الفجر

قبل الفجر بساعة تحس الدنيا

فاضية وهادية

وتعرف ان كل الناس فى بيوتها نايمة

تمر الدقايق ورا بعضها

تفرح ودنى بصوت رجلين

ماشية ثابتة ومتوجهة

ناحية الجامع ومقبلة

ورجل ورا رجل ورا رجل

وقدم على قدم تمد....بكل خطوه تدب

وعددهم يكبر ويزيد

معرفش ليه بفرح بصوت رجليكم كان اليوم عيد

وباحس الدنيا لسه

فيها حاجات مبهجة

يمكن بسيطة ومنمنمة

يأذن الفجر بصوت عالي يشق الفضا

يدخل على قلبي النور و الرضا

الله يا رب على ساعة فجرك

الله يا رب على حب عبادتك

وافكر فى شوشو "الشيطان" واطلع له لساني

واقوله ارحل غور روح عالم تاني

دى ساعة الفجر دى ساعة لا تتقدر

ولو بالف الف معاني





سارة ربيع