ابي....وحشة الموت سلبت مني الامان
اجلت البجي والعين بيه اتلوج
لان كلبي الدمع من عده بس جاري
فصلت الحزن ومن الثياب الوان
شفت البيهن اسود حوط اكتاري
دورت النظر وبكلبي صبر يذوب
وكل مله التجي ماسلت انظاري
بيش انه انتخي بحروفي شح الصوت
بيش انه انتخي من ياخذ بثاري
يممني اليتم اذن صلاته الخوف
صحت الله واكبر هدت اسواري
يابويه وصحت منهو البقالي اليوم
من ام وابو محرومه ياداري
شاهول السبح من ينفكد تنعاب
واعيب انه الليالي الجابهه ابطاري
حرمتني الابو واخذت بركة البيت
ويهل البيت الكم اشتكي اقداري
فايق الكاطع حسن