تعالوا نكعد كعدة عشاير ونحل هاي القضيه@@@@

[ندعوك للتسجيل في المنتدى أو التعريف بنفسك لمعاينة هذه الصورة]
((تعالوا نكعد كعدة عشاير ونحل هاي القضيه))

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

كلنا يعلم الدور الكبير الذي تلعبه العشائر العراقيه الأصيله بحل اصعب المشكلات ناهيك عن أسهلها.. واصبح القانون العشائري مرادف او موزاي لقانون الدوله بل في بعض الاحيان أفضل منه.واقصد بأمور المنازعات التي تحدث بين الاطراف . ونحن جميعنا ابناء هذه العشائر وعلى اطلاع تام بما تلعبه العشيره وشيخها الذي هو بالاساس انسان محترم وذو عقليه واسعه ودائمآ ما ينظر الى البعيد ولا يصدر القرارات المستعجله التي قد تكلف هدر دماء.. وهذا الشيخ قراراته نافذه على الجميع..
اليوم نحن نعيش مشكله أصبحت مستديمه في جسم الكره العراقيه ألا وهي مشكلة الاولمبيه والاتحاد الهيئه العامه المتمثله بالأنديه..موضوعي هذا ساقوم بأستدعاء كل اطراف القضيه واجلسهم أمام شيخ العشيره وكل واحد منهم يطرح مشكلته.وعلى الشيخ المبجل والمحترم أن ان يعطي حل لجميع الاطراف وان يخرجوا منه وهم راضون متحابون متصالحون وكأن شيئآ لم يكن..
[ندعوك للتسجيل في المنتدى أو التعريف بنفسك لمعاينة هذه الصورة]
نبدأ على بركة الله..[size=21]الطرف الاول: اللجنه الاولمبيه
[size=21]الطرف الثاني: الاتحاد المركزي لكرة القدم
الطرف الثالث: الهيئه العامه المتمثله بالانديه..
هسه الشيخ يسال اول واحد وهو الطرف الاول: اللجنه الاولمبيه..
- احجيلي بويه شنهي مشكلتك..
-الأولمبيه والله يا شيخنا أني مثل ما يكولون أب وعندي ما شاء الله أولاد أهوايه وعندي يا محفوظ واحد من هذولي الأبناء شويه طلع من الطريق وكام ما يمشي باوامري ولا ياخذ رايي ولا اعرف شنهي يسوي
يشتغل بوحده ومصاحبله جماعه وداعتك حتى ما اعرفهم يكرهونه يحبونه بعد أني قابل اعرف شنهي بكلوبهم. المهم هذا وليدي كعدته كتله بويه ليش ما تجي للطريق وتكعد وي اخوتك وتفهمهم على شغلك..ما رضه يا محفوظ ..اجوني اخوته كلولي بويه أذا ما سوي حل وي اخونه تره نتصرف غير تصرف واحتمال اتصير بيها عرك ودم يعني يمحفوظ اخوته حلفوا عليه يكتلونه يكتلونه؟؟ اذا ما كعد وياهم وفهمهم على شغله وليش ما يسشيرهم..مناه لمن ملينه منه .. المهم شيخنا ما كدرناه.. عاد اني وباعتباري أبوهم طلعت ورقتي وكتب هذا الأبن لا هو مني ولا أني منه..وشيصير بيه اني ما اوكفله طبعآ هاي كلها بحضور اخوته ..والقرار جان جماعي حتى ميكولون باجر ابونه هو القرر..؟؟
[ندعوك للتسجيل في المنتدى أو التعريف بنفسك لمعاينة هذه الصورة]
ضلينه على هاي الحاله مده من الزمن ..أشو هذا كام يهدد بيه وباخوته واحرمكم من الشغل وكلشي ما انطيكم.. اني كلت ميخالف اني عقلي اكبر من عقله.. تعال بويه اكعد..تصير أدمي وتمشي على مرام اخوتك وتاخذ رايهم بالصغيره والجبيره.. والله أشو كالي بويه اني بخدمتك كلشي التريده اني حاضر.. بعد اني يمحفوظ لزمت الوريقه وشكيتها..
مرت يمكن يومين لو ثلاث ولن اخوته موديلي خبر بعد لا احنه منك ولا انت منه بويه ..سالمين خو ماكو شي.. لأنهم يكولون ليش ماكعدتنا مثل الاوليه حتى نتواجه وي اخونه ونشوفه يصدك يجذب..لأن احنه ملينه منه ومن جذبه..وهسه هم زعلانين يمحفوظ.. هاي سالفتي..
الشيخ...
[ندعوك للتسجيل في المنتدى أو التعريف بنفسك لمعاينة هذه الصورة]
**************
وانت بويه الاتحاد سولفلي بالله شنهي قضيتك..
الأتحاد ((الطرف الثاني بالسالفه)):
والله يمحفوظ سالفة أبوي كلها صدك بس أني وداعتك ما اشوف واحد من اخوتي يكدر ياخذ مكاني ولهذا السبب أن جلبت بكرسي الشغل..
الشيخ : أي وبعدين بعد ابوك..
الاتحاد: هسه شيخنا اني وعدت أبوي بعد شكم يوم نكعد ونحل مشكلتنا بس اني ما اضمن يمحفوظ احتمال الجماعه الوياي والفايديني مايرضون بعد اني هم الشغله موبيدي..وتدري اني كاعد بديره بعيده وهاي الوادم الها فضل عليه فما اكدر اخليهم وره ظهري..
[ندعوك للتسجيل في المنتدى أو التعريف بنفسك لمعاينة هذه الصورة]
الشيخ: بويه خلصت سالفتك..؟؟
الاتحاد: اي يمحفوظ هذا كل العندي..
**************
الشيخ: وأنتم بويه اخوته شنهي سالفتكم وطلابتكم وي ابوكم واخيكم؟؟
الطرف الثالث((الهيئه العامه)) : سالفتنه يمحفوظ سالفه.. هذا اخونه وبشهادة ابونه جبناه وكعدناه بمكانه وكلناله خويه انت تمثلنا وتدير شغيلتنه بس كون خلينه ندري بكل شي مو تشتغل بوحدك..شيخنا اخونه وافق..
وضلينه على هاي السالفه من ذاك الوكت لهذا الوكت واخونه حتى اخباره أنكطعت كام يشتغل لوحده ويطرد ويجيب بكيفه وشكد حصل هم ما ندري ..بويه مو احنه أتفقنه وياك تكللنه على كل شي او انت ما تعتبر بينه.. والله يمحفوظ أشو اخونه كال مو بكيفي بكيف الناس الكاعد بديرتهم..أهناه احنه كناله جا اذا هيج اطلع من شغلتنه واحنه أنخلينه واحد بمكانك ...؟؟
يمحفوظ اشو اخونه ولا أعتبر بينه عافانه وراح وكام يشتغل بكيفه..؟؟ اجينه لابونه وسولفناله.. وابونه صدر قرار بيه وطلعه من يمنه.. واحنه كاعدين وبعد مده سمعنه يمحفوظ أن ابونه كاعد وياه ومرجعه وما نعرف شنهي الصار بيناتهم..
وهاي سالفتنه يمحفوظ..
[ندعوك للتسجيل في المنتدى أو التعريف بنفسك لمعاينة هذه الصورة]
************************
الشيخ كللهم عمي أنتم سولفتوا سالفتكم كلكم روحوا واني أودي عليكم لان هسه ما اكدر أنطيكم ياهو العلى الحق وياهو على الباطل انطوني مجال أسبوع...
خلصت الكعده......
**********
هنا اضع هذه الكعده العشائريه لهذه الاطراف المتنازعه [size=25]امامكم يا اعضاء منتدى جاسم ستلايتستلا وأريد كل واحد منكم يعطي الحل للشيخ حسب مايراه هو الصحيح.. وبعيد عن العاطفه والمجامله..ومثل مايكول الشيخ ((حظ وبخت))
((وأذا حكمتم بين الناس فأحكموا بالعدل))
وتره الشيخ يريد يسمع منكم حتى يرجع يكعدهم ويخصم هاي القضيه..واتمنى من كل واحد منكم يا اعزائي ان يتصور نفسه في هذا المشهد والشيخ دز عليه ويريد ياخذ رايه ويشوف حله ..
*********
الهدف العام من هذه الكعده..
-----------
كل انسان معرض للخطأ ولا يوجد انسان كامل وانما الكمال لله..
وقد يكون اطراف المشكله لا يمتلكون تلك العقليه التي يمتلكها غيرهم اضافه الى ذلك هم ينظرون للأمور من منظار واحد ونحن ننظر لها من عدة اوجهه وحسب طبيعة كل مشكله..
فتوكلوا على الله وأنطوا رايكم وحلكم للشيخ حتى يرجع الجواب للجماعه..

واخيـــــــــرآ ان الله سبحانه وتعالى اعطانا العقل من اجل ان نفكر به والقلب من اجل ان نرأف به
ولهذا وجب علينا ان نعمل معآ من اجل العراق ولا يكون ذلك الا بتكاتف الجمــــــــــــــيع
من اجل ان نضع الحلول وليس فقط ان نتكلم ونقف مكتوفي الايدي يجب ان نوصل اصواتنا
أو ما نعرفه الى من هم في سدرة المسؤولية لكي نكون قد ارحنا ضمائرنا وقلوبنا و وضعنا
الكرة في ملعبهم ليبدعوا وننتظر الى ما خططنا له كيف ينمو ويتربى وهذا ما نريده ....

[ندعوك للتسجيل في المنتدى أو التعريف بنفسك لمعاينة هذه الصورة]

[size=16][size=21][ندعوك للتسجيل في المنتدى أو التعريف بنفسك لمعاينة هذه الصورة]
[size=16] [ندعوك للتسجيل في المنتدى أو التعريف بنفسك لمعاينة هذه الصورة]
[size=25]تحياتي لكم..

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]</TD></TR></TABLE>