رجاءا الي يعرف بالكبه بس هو الي يدخل

البارحه كلت اسوي كبة بتيته جبت البتيته وسلكتها وبعدين هرستها وره ماهرستها كعدت اطلع الكشور مال البتيته ضليت حوالي عشر ساعات الكط الكشور بعدين اتفطنت كلت ليش خو وره ما اكلي الكبه اطلع الكشور راح تصير سوده والكبه صفره وراح اميز الاسود عن الاصفر واطلع الكشور المهم على المره الجايه اسوي هاي الطريقه جهزت العجينه مال الكبه سويت الحشوه لحم وكشمش ولوز وبندق وكازو وفستق ومعجون اسنان ولامندوزي ومعدنوس ورشاد وكراث ودكم مال كوستم مو مال قميص وحطية ابهارات ومي ورد ومي خابط ومي عيوني
ههههههههههه هسه عملية التكوين والانشاء للكبه سويت دعبله وطخيتها سويت بيها حفره بعمق خمسه سنتمتر واربع انجات ودحست الحشوه بيها دحس واغلقت الدعبله وبعدين بطحته بالكاع وجبت يده مال هاون ودكيتها الى ان اخذت شكل الكبه المعروف حميت الدهن بالطاوه وره ماحمه الدهن شلت الطاوه وغسلتها ومن نشفت حطيت الدهن وره ماحمه شلت الطاوه وذبيت الدهن حتى احط زيت لانه كالوا الكبه بالزيت اطيب وكليت كل الكبه وكلت اضوك وحده اكلت وحده اشو حاله غريبه صارت اكل والكبه مابيها حشوه ولا حشوايه ولا نص حشوشه وين راحت اكلت الثانيه هم ماكو حشوه اكلتهن كلها ولا حشوه اكول شنو السالفه
مدري ضجت ودمعت عيني وانحنى راسي اشو شفت الحشوه كلها بالكاع شلون صارت بالكاع يعني لو العجينه ثوله لو الحشوه ثوله يعني اني الدعبله سويت بيها عمق ودخلت الحشوه وبعدين شفت الحشوه كلها بالكاع يعني معقوله ادخل من فوك الحشوه وتنزل من جوه للكاع لا مستحيل هاي الحشوه ثوله لو العجينه ثوله
هسه شلون اريد واحد يعلمني شلون طريقه عمل الكبه فدوه هههههههههههههههههه
تحياتي لكم . سهير الشمري

توجد كبة مال تمن وتوجد كبة مال برغل ماليش تريدين الكبة انواع مال موصل ومال بغداد احنة بالخدمه مع تحياتي