شفت مرة شمس تموز بردانة
وشفت مرة برد كانون محتر
وشفت ميت يغني وفرقة دفانة
وشفت عريس يلطم فوك منبر
وشفت ناعور عكس الماي يفتر
وشفت راعي تكودة بظلمة طليانة
شفتة وية الذيابة يتبختر
وشفت ملة يغني وربعة سكرانة
وشفت سيف انذبح بركاب جوعانة
وصكر شارد من الغربان يتعثر
وشفت دمعة عالخد الحزن فرحانة
وشفت عيد الجبير هدومة من شر
وشفت ملك المنايا روحة خلصانة
وشفت علامة بالحضرة يكفر
وشفت عيد الفطر كدام رمضانة
وشفت رمضان يشرب ماي يفطر
وشفت بومة تغفي تكول نعسانة
وشفت بستان فوك الحوت خضر
وشفت اب التوجة امرة رضعانة
وحرامي يحوف تية كام ينطر
وشفت ميت يغازل عين دفانة
يكدرلة جفن وبلون احمر
وشفت مسجون فوك السور ينطر
وشفت سيد يعيب الناس بلسانة
وشفت سكير من سبوة شور
وشفت دنية بصباح العيد عريانة
وشفت شاجور كبل التفك ثور
وشفت مكتول كام ولاوة عدوانة
وشفت هور الجنوب يعوف معدانة
وشفت بردي يعوف الماي محتر
وشفت مجنون كلهة تطيعة صحبانة
حسب روحة شجاع وسيف عنتر
وشفت سمجة تصيح الغوث عطشانة
والبو الجنيب وية شباج بالبر